Waaxda Maareynta Musiibooyinka Turkiga ayaa xaqiijisay in dhowr dhulgariir oo is xiga ay ku dhufteen qeybo ka mid ah magaalada Istanbul, muddo daqiiqado gudahood ah. Dhulgariirradaasi waxay ka dhaceen deegaanno ku teedsan Badda Marmara, halkaas oo marar badan horey loogu diiwaangeliyay dhaqdhaqaaqyo dhul.
Mid ka mid ah dhulgariirrada, oo cabbirkiisu gaarayo 6.2, ayaa laga soo weriyey inuu si xooggan u saameeyey magaalada Istanbul – oo ah xarunta ugu weyn ee dalka Turkiga, halkaasoo ay ku nool yihiin dad lagu qiyaasay 16 milyan. Tani waxay ka dhigeysaa inuu yahay dhulgariirkii labaad ee cabbirkaasi ah ee magaaladaasi ku dhaca muddo kooban gudahood.
Istanbul waa magaalo istiraatiiji ah oo hoy u ah shan meelood meel bulshada Turkiga, taasoo ka dhigaysa in waxyeellada ka dhalata dhulgariirrada noocan oo kale ah ay saameyn ballaaran yeeshaan.
Wasiirka Arrimaha Gudaha ee Turkiga ayaa sheegay in gariirkan aanu ku koobnayn kaliya Istanbul, balse uu sidoo kale si weyn u saameeyay gobollada deriska la ah magaalada, taasoo muujinaysa baaxadda uu lahaa gariirkan dhulka.
Comments
Post a Comment